د امریکا ولسمشر ډونالډ ټرمپ د خپل هېواد پوځیان " د نړۍ تر ټولو پیاوړي" ځمکني ځواکونه وبلل او د هغوي لاسته راوړنې یې وستایلې.
ولسمشر ډونلډ ټرمپ د جون پر ۱۴مه په واشنګټن کې د خپل پوځ د جوړېدو د ۲۵۰مې کلیزې مراسمو ته وویل چې ځواکونو یې د افغانستان په ګډون بېلابېلو سیمو کې لاسته راوړنې درلودلې او ځلیدلي دي.
د دغو مراسمو پر مهال ځانګړې پوځي نندارې هم ترسره شوي دي. د راپورونو له مخې، امریکا ۲ اعشاریه ۸۶ میلیونه پوځیان لري.
دغه مراسم د امریکا د ولسمشر ډونالډ ټرمپ د زیږېدو له نهه اویایمې کلیزې سره هممهاله نیول شوي دي.
ولسمشر ټرمپ ویلي، د روسیې ولسمشر د کلیزې د مبارکۍ په پار پرون ورسره ټیلفوني خبرې کړي، خو په خبره یې تر ډیره د ایران پر وضعیت متمرکزې وې.
