د خیبر پښتونخوا پوهنتونونه له لوی مالي بحران سره مخامخ دی

د پېښور پوهنتون د استادانو ټولنه وايي، د خیبر پښتونخوا سرکاري پوهنتونونه له مالي بحران سره مخامخ دي. د ټولنې په وینا، پېښور پوهنتون د روانې میاشتې تنخا ورکولو پیسې هم نه لري. د ټولنې مشر ډاکتر ذاکر الله جان د اګست پر درېیمه مشال راډیو ته وویل، صوبايي حکومت یې مشکل نه هواروي نو ځکه یې وزیراعظم او ولسمشر ته لیک استولی او ورڅخه یې د ۱۰ اربه (مېلیارده) روپیو مرسته غوښتې ده. د خیبر پښتونخوا حکومت لا په دې اړه څه نه دي ویلي خو تېر کال یې د پوهنتونونو د مالي او نورو مسلو د هواري لپاره د یوې کاري ډلې جوړولو اعلان کړی وو. مشال راډیو له ذاکر الله جان څخه د مرکې په پیل کې د بحران لامل په اړه پوښتلي دي. د دې او نورو پوښتنو ځواب په مرکه کې واورئ.