نیاز احمد خان په سوات کې د مشال راډیو خبریال دی. هغه د ملاکنډ ډېوېژن د نهو ضلعو سوات، بر او کوز دیر، بر او کوز چترال، ملاکنډ، بونېر، باجوړ او شانګلې په اړه راپورونه جوړوي.
د سوات په کالام کې د خیبر پښتونخوا د سیلګرۍ ادارې درې ورځنۍ مېله کړې چې د یکشنبې یا اتوار پر ورځ ورته د صوبې اعلا وزیر پروېز خټک هم ورغلی وو. دې مېلې ته ګڼ کسان ورغلي ول چې پکې د خرڅلاو لپاره ډېر شیان او د تفرېح یو شمېر انتظامات شوي ول. راځئ چې تاسې هم مېلې ته ورولو.
په مینګوره کې د شاه وزیر خان خاکي د دوو کتابونو مخکتنه شوې چې ورته ګڼ ادیبان، لیکوالان او فعالان ورغلي ول. دا کتابونه د پښتو پر کلتور او فوکلور لیکل شوي دي چې پکې د پښتنو ماشومانو د پخوانیو لوبو او په ټپو کې د مادي فوکلور موضوعات څېړل شوي دي. تفصیل په دې ویډیويي رپورټ کې.
د سوات له بڼ سیمې د پښتو ژبې ډېرو ښځینه سندرغاړو سر پورته کړی دی. سعدیه شا هم یوه نوې سندرغاړې ده چې لا یې د شهرت اوازې خپرې شوې نه دي، خو کار یې پیل کړی چې خپل هنر او نوم وځلوي. سعدیه شا وايي د اختر په ورځو کې د خلکو د خوشالولو لپاره خپلې سندرې وړاندې کوي. له نوموړې سره د مشال خبریال نیاز احمد خان
د سوات په بریکوټ کې یوه کس – محمد پروېز – د انارو باغ جوړ کړی دی چې له خپلې څېړنې سره یې ځانګړې مېوه تیاره کړې. دی وايي، د دې باغ ګټه دا ده چې زیاتې سرې یا اوبه خور ته اړتیا نه لري. د بوټو او ونو پوهان هم وايي، د انار خوند ښه دی او حکومت دې د داسې باغونو په جوړولو کې مرسته وکړي. رپورټ وګورئ.
د ښایستونو په وطن سوات کې ډونچار چړ یو زړه راښکونکی ځای دی چې سیلانیان ورته په ګنټڼو ګنټو پیدل مزل کوي ځکه چې هلته د رسیدو لپاره د ګاډي لاره نشته. د کالام د مهمو ډنډ نه ډونچار چړ ته د رسیدو لپاره باید دوه ساعته په پښو مزل وشي. یادې سیمې ته له رسیدو وړاندې په ټوله لاره ښایسته، شنه غرونه، تالابونه، کن
سیدګی ډنډ د سوات په یوه داسې سیمه کې دی چې هلته ورتګ لوی کړاو غواړي. دا سیمه په کتلو ارزي، ځکه چې د ډنډ په شاوخوا سیمو کې قدرتي منظرې، یخ موسم او د ګرمۍ په موسم کې هم واورې وي، خو سړی باید هلته رسېدو لپاره څو ساعته په خپلو پښو مزل وکړي. د سیمې خلک وايي که حکومت لارې جوړې کړي نو سیلانیان به په اسانه
د پېښور، مردان او بنو په نسبت د پښتونخوا سوات یوه ښایسته او یخه سیمه ده. د ګرمۍ په موسم کې د نورو ګرمو سیمو خلک د سوات یخو هواګانو، د سیند د اوبو شور او د حسن نظارو ته ځانونه رسوي. د نورو سیمو نه موسیقۍ غږونکي هم په دې ورځو کې سوات ته مخه کوي. د مشال خبریال نیاز احمدخان پرې ویډیويي راپور جوړ کړی دی.
د خیبر پښتونخوا په سوات کې د ښځوو د حقونو له پاره مبارزه کوونکې او یو نړیواله جایزه ګټونکې تبسم عدنان وايي د جمعې په شپه نامالومه وسله والو په سیدو شریف کې د هغې پر کور ډزې کړې دي.
د شانګلې له رانيال کلي سره نېږدې شهتوت کلي ته تلونکي يو ډاټسن ګاډی لرګو پل ماتيدو له کبله پرېوتي چې پکې اووه تنه مړه او اووه نور ژوبل شوي دي.
د سوات په چارباغ کې یوه ښځه هره ورځ ګڼو خلکو ته روژه ماتی تیاروي. د دې روژه ماتي منتظمین وايي، دا ښځه نه غواړي چې خپل نوم وښيي او تېر کال یې په روژه کې د ۲۳ لاکو روپیو خواړه وېشلي ول. تفصیل په دې رپورټ کې.
په کالام کې په ۲۰۱۶ز کال کې له اوبو څخه د برېښنا (بجلۍ) جوړولو دوه پروژې عملي شوې چې ورڅخه په زرګونه کورونو او کاروبارونو ته بجلي رسي. دا پروژې د اروپايي ټولنې په مالي مرسته عملي شوې دي. د سیمې اوسېدونکي خوشاله دي چې اوس بجلي لري. ویډیويي رپورټ وګورئ.
د سوات په یوه لرې پرته سيمه منګلور بېش بڼ کې په ۲۰۰۷م کال د وسله والو له لوري ویجاړ کړل شوی د نجونو یو ښوونځی لا هم کنډواله دی، کوټې یې بې چته دي او ودانۍ یې کنډکپر ده خو نجونو او استادانو یې حوصله نه ده بایللې او اوس پکې زدکړې کوي. د مشال را ډيو خبريال نياز احمد خان یې ويډيو راپور کښلی.
د سوات د بريکوټ یو اوسېدونکی چې په اړه یې ویل کېږي چې نرښځی وو، په سعودي عرب کې تر مړینې وروسته خپلې هدیره کې خاورو ته سپارل شوی دی. دی محمد امین نومېده چې مینو په نوم هم پېژندل کېده. د ده خپلوان وايي، ورسره ((زیاتی او ظلم)) شوی دی او په سعودي عرب کې یې هېچا مرسته نه کوله. ویډیويي رپورټ وګورئ.
د سوات په مینګوره کې د پښتنو د دودیزو جامو – شړۍ او پکول – ورځ لمانځل شوې چې ورته ګڼ ولسي وګړي او فعالان ورغلي ول. د ټولنیزو چارو پوهان وايي، د دې ورځ لمانځلو موخه دا وه چې د پښتنو په اړه ناسم پوهاوي او تاثرات ختم کړل شي. دوی وايي، پښتنو ته په کار دي چې له خپل دود، دستور او رواج سره مینه ولري. رپورټ
د سوات پوليسو د اتوار پر ورځ مشال راډو ته وويل چې په تېرو دريو ورځو کې درې مېرمنې چې دوو په کې بچي هم درلودل د سوات په مټه کې د غيرت په نامه وژل شوي دي. خو په سوات کې د مېرمنو حقونو لپاره مبارزه کونکې يوه ټولنه بيا وايي چې په تېرو څلويښتو ورځو کې اته مېرمنې د غېرت په نامه وژل شوي او دريو مېرمنو بيا په زهرو خوړو سره ځان وژلی کوم چې د دوي په فکر هم د غېرت په نامه وژنې دي.
د عوامي نیشنل ګوند یو مشر وايي، له افغانستان سره یې وینه او دود دستور یو دی، نو اسلام اباد ته په کار ده چې ورسره ملګرتیا وکړي. میا افتخار حسین د یکشنبې یا اتوار پر ورځ د سوات په سیدو شریف کې د باچا خان او ولي خان تلین غونډې ته وینا وکړه، په اړه یې دا رپورټ وګورئ.
په سوات کې باچاخان ایجوکیشن ټرسټ په یوه تعلیمي ورکشاپ کې د سیمې استاذانو ته په مورنۍ ژبه د زدکړو د اهمیت په اړه معلومات ورکړل. د غونډې د ګډونوالو وینا وه چې د نړۍ پرمختللي هیوادونه خپلو ماشومانو ته په مورنیو ژبو ژدکړې ورکوي، نو ځکه یې پوهه او قابلیت د پام وړ او لوړ وي. د ورکشاپ له لارې پر حکومت هم غ
د سولې نوبېل انعام ګټونکي ملالې یوسفزۍ پلار ضیاالدین یوسفزي په شانګله کې هغه ښوونځي ته څوکۍ او مېزونه ورکړي دي چې ده پکې خپله زده کړې پیل کړې وې. زده کوونکي وايي، پخوا به پر ځمکه ناست ول، ساړه به یې کېدل او جامې به یې ناولې کېدې. د سکول استادان خوشاله دي چې دا سامان ورسپارل شوی دی. ویډیويي رپورټ.
د خېبر پښتونخوا وزیراعلا پروېز خټک وايي د بدلون په نوم یې ووټ اخیستې او په حکومتي ادارو کې یې یو شمیر بدلونونه وکړل.
د سوات په مینګوره کې ناحکومتي ټولنو او انتظامیې د ((درخانۍ ثقافتي مېلې)) په نوم د ښځو لپاره یوه غونډه جوړه کړې وه چې پکې د سوات او نورو سیمو ښځو په خپلو لاسونو جوړ شیان نندارې او خرڅلاو ته ایښي ول. تفصیل په دې ویډیويي رپورټ کې.
نور وښیئ
