نیاز احمد خان په سوات کې د مشال راډیو خبریال دی. هغه د ملاکنډ ډېوېژن د نهو ضلعو سوات، بر او کوز دیر، بر او کوز چترال، ملاکنډ، بونېر، باجوړ او شانګلې په اړه راپورونه جوړوي.
مشال راډیو په خپلواکه توګه د پولیسو د دعوې تصدیق نه شي کولای. خو د بنجوټ اوسېدونکو مشال راډیو ته وویل چې د ډزو د پېښې ځای ته چې ورغلل نو هلته درې مړي پراته ول. دوی وايي، هغه مړي یې له پولیسو سره یو ځای د غره له سره پورته کړل او بیا پولیسو له ځان سره یوړل.
د روزنې دا لنډمهاله کورس د سوات په فضاګټ سیمه کې پرانېستل شوی وو چې پکې ۱۶ هغو مېرمنو او نجونو برخه واخیسته چې له عکاسۍ او ویډیو کلیپونو جوړولو سره یې علاقه لري.
مسرت هلالي دا څرګندونې د جون پر درېیمه، په مینګوره کې، له ځايي وکیلانو څخه د سګوند اخیستو پرمهال وکړې. هغې وړاندې وویل، د کوم عدالت نه چې خلک شکایتونه ولري، مسوول به یې د ضلعي عدالت مشرقاضي وګڼل شي.
د خیبر پښتونخوا پخوانۍ صوبايي اسمبلۍ د ۲۰۲۲ز کال په ډېسېمبر کې د یو قرارداد له لارې له وفاقي حکومته غوښتنه کړې وه چې تر هغو چې د ملاکنډ ډېوېژن او قبایلي ضلعو خلک د دې جوګه شوي نه وي چې ټیکسونه ورکړي نو مالیې دې ورڅخه نه اخلي.
رانا ثناالله زیاته کړه"دا تاسو (تحریک انصاف) چې څه کړې دي، تر دې وروسته به دا ووايم چې د دې حل يوازې دا دی چې دغه ګوند نور کاالعدم اعلان کړل شي."
د سوات په کبل کې د یوشمېر ګوندونو او پښتون ژغورنې غورځنګ مخکښه مشرانو او فعالانو د مې پر پنځمه، د ناامنۍ پر ضد د "ولسي پاڅون" په نوم احتجاجي جلسه وکړه. د پښتون ژغورنې غورځنګ منظور پښتین جلسې ته د وینا پر مهال وویل، په سوات کې شوې وروچاودنې او د بدامنۍ وروستۍ پېښې د ترهګرۍ او بدامنۍ د لړۍ نوې کړۍ ده.
ټاکل شوې چې په کانجو چوک کې نننۍ جلسه ماسپښین دوه بجې پیل شي. دا په داسې حال کې ده چې په وروستیو کې د سوات په ګډون د خیبر پښتونخوا په یوشمېر سیمو کې ناامني زیاته شوې ده.
د سوات په کبل تاڼه کې د اپرېل پر ۲۴مه تر چاودنو وروسته هلته مظاهرې پېل شوي دي. مظاهرین په سیمه کې د امن ټینګښت او د کبل د چاودنو رڼې پلټنې غواړي. حکومت دریځ لري چې د تاڼې په څنګ لوري کور کې د برېشنا د شارټ سرکټ له وجې په تاڼه کې بارود ډزېدلي وو. مظاهرې په مټه او منګلور کې شو
د خیبر پښتونخوا د سوات ضلعې خلکو د اپریل پر ۲۸مه هم د جمعې له لمانځه وروسته خپلو پراخو مظاهرو ته دوام ورکړ. دوی دا مظاهرې د سوات په کبل سیمه کې د ترهګرۍ ضد پولیسو په تاڼه کې د ترسره شویو غبرګو چاودنو نه وروسته شروع کړې دي.
د سوات قامي جرګې تر سیوري لاندې ځايي خلکو د مينګورې په نشاط چوک کې د اپريل پر ۲۵مه په مظاهره کې غوښتنه وکړه چې د پوليسو په مرکز کې دې د ښويو چاودنو رڼې پلټنې وشي. په دې احتجاج کې د بېلابېلو سیاسي ګوندونو او مدني ټولنو غړي شامل ول.
د سوات پولیسو مشر شفیع الله ګنډاپور د اپريل پر ۲۴مه د شپې ناوخته مشال راډيو ته وويل چې د ابتدايي معلوماتو ترمخه، په چاودنه کې دا مرکز ويجاړ شوی دی. هغه زیاته کړه چې چاودنې د ترهګرۍ ضد مرکز په زړه ودانۍ کې د بارودي موادو په يو ډيپو کې شوې دي. په وژل شويو کې ۱۳ پوليس والا او ۳ ولسي وګړي دي.
د کوچني اختر د خوشاليو لا زیاتولو لپاره د پاکستان او خيبر پښتونخوا د بېلا بېلو سيمو يو شمېر کسان سوات ته رسېدلي دي. دوی وايي چې د اختر رخصتیانې په سوات کې خوند کوي.
د ژغورنې ادارې (رېسکیو ۱۱۲۲) او پولیسو په جلا، جلا بیانونو کې ویلي دي چې پېښه د اپرېل پر ۲۳مه ماسپښین مهال د سوات په فتح پوره کې شوې ده.
مظاهرچيانو د اپرېل پر ۱۹مه په مینګوره کې د شعارونو له لارې له حکومته غوښتنه وکړه چې د بحرين او کالام ترمینځ شاوخوا ۴۰ کېلومیټره اوږد سړک دې ژرترژره خلاص کړي.
د اپرېل له ۱۷مې راهیسې په سیمه کې د روانو بارانونو له کبله سېلابونه راغلي دي چې له کبله یې له بحرینه تر کالام پورې ۲۴ کېلومیټره سړک ځای پر ځای پر ځای بند شوی دی او په شمال کې د ګلګت بلتستان او د پنجاب د راولپېنډۍ ترمینځ د قراقرم لویه لاره هم تړل شوې ده.
د بونير د زراعت محکمې مشر عدالت خان وايي چې دوی کروندګرو ته پر وخت مشورې ورکړې وې چې په غنمو د سرخي لګېدو مخنیوي لپاره دې دوایانې وکاروي.
نور وښیئ
