عمر وزیر د مشال راډیو خبریال دی چې د شمالي وزیرستان، بنو او لکي مروت پر امنیت، اقتصاد، سیاسي او ټولنیزو چارو رپورټونه جوړوي.
د پښتون ژغورنې غورځنګ غړو او ګڼو پلویانو د مې پر ۱۹مه د بنو په جانیخېلو کې تر هدفي حملې او په بکاخېلو کې تر چاودنې وروسته احتجاج وکړ او له حکومته یې وغوښتل چې د وسله والو پرضد دې پرېکنده اقدام وکړي.
د پاکستان د پوځ د عامه اړیکو دفتر (ای اېس پي ار) د مې پر ۱۵مه په یوه بیان کې ویلي چې يوه ورځ مخکې (د مې په ۱۴مه) د میرلي په عیدک کې د پوځ پر ګاډي په ځانمرګي برید کې درې سرتېري ووژل شول او درې ماشومان ووژل شول.
د مې پر نهمه د پیل شوي پرلت ګډونوال وايي چې په ۲۰۱۴ز کال کې د ضرب عضب پوځي عملياتو پر وخت د دوی دوکانونه له مینځه تللي او د کروړونو روپیو تاوانونه ورته اوښتي دي نو ځکه بايد حکومت ورته د معاوضې ټولې پيسې ورکړي. دوی غوښتنه کوي چې ځايي انتظاميه دې د پيسو په ورکولو کې خنډونه نه جوړوي.
د شمالي وزیرستان مرستیال کمېشنر شاهد علي خان د مې پر ۱۲مه مشال راډیو ته وويل چې دوکاندارانو ته یې د پيسو ورکول پيل کړي او تر اوسه یې له ۷،۰۰۰ دوکاندارانو څخه ۱،۶۰۰ ته د معاوضو چېکونه سپارلي دي.
د ميرانشاه بازار د اتحاديې جنرال سيکټر محمد رحمان د مې پر اتمه ناوخته مشال رېډيو ته وويل چې د پېښور های کورټ د فیصلې سربېره هم ضلعي انتظاميه او اړونده چارواکي دوی ته د تاوان پیسې نه ورکوي.
د مې پر شپږمه ترسره شوې دې جرګې، پرېکړه کړې چې دواړو غاړو ته به ورځي او خواست به ورته کوي چې نور د دوی په سیمه کې له جګړې لاس واخلي. د جرګې یو مشر ملک ماویز خان مشال راډیو ته وویل چې دوی نور له بدامنۍ ډېر ستړي شوي دي.
د خيبر پښتونخوا د پوليو پروګرام مرستيال مشر زمين خان د اپرېل پر ۲۸مه مشال راډيو ته وويل چې دا کیمپېن د پنجشنبې او اپرېل پر ۲۹مه په شمالي وزیرستان او ورسره نېږدې په بنو کې کېږي چې پرمهال یې روغتيايي ډلې کور په کور ګرځي.
د جانیخېلو د پولیسو یوه چارواکي عابد جان مشال راډیو ته وویل، وسله وال تر برید وروسته وتښتېدل چې دوی یې لټون پیل کړی دی.
د بنو د پولیسو مشر عمران شاهد رسنیو ته ویلي چې وسله والو د اپرېل پر ۲۶مه په هغه ضلع کې د پولیسو د ترهګرۍ ضد څانګې پر سرتېرو برید وکړ چې پکې دوه پولیسان ژوبل شول.
د اپريل په ۲۲مه د پاکستان پوځ د عام اړيکو څانګې په يو بیان کې ويلي وو چې د افغانستان له خوا پر دوی د وسله والو په بريد کې ۳ پوځيان وژل شوي او ۴ زخميان شوي.
ځینو پرلتوالو د اپریل پر ۲۲مه مشال رېډيو ته وويل چې په خوست کې د پاکستانیو ځواکونو په بمباريو کې له وژل شویو سره دې انصاف وشي او له افغانستانه دې ټول وزيرستاني کډوال خپلو کورونو ته ستانه کړل شي.
دا د وزیراعظمۍ دندې تر سمبالولو وروسته شمالي وزیرستان ته د شهباز شریف لومړی سفر وو. نوموړی څه د پاسه یوه اوونۍ مخکې وزیراعظم ټاکل شوی وو.
په بنو کې د شمالي وزیرستان د مداخېلو خلکو پر خوست د پاکستانیو ځواکونو د بمبارۍ ضد پرلت ته دوام ورکړی دی. دوی دا احتجاج د اپرېل پر ۱۶مه تر هغې بمبارۍ وروسته وکړ چې پکې د ښځو او ماشومانو په ګډون لسګونه کسان ووژل شول. د اپرېل ۱۹مې پر ماخوستن ناستې ته د پښتون ژغورنې غورځنګ مشر منظور پښتین هم ورغلی وو. نوموړي په وینا کې پر اسلام اباد او کابل غږ وکړ چې د خلکو د امنیت ټینګښت په برخه کې دې خپل مسوولیتونه ادا کړي. د پاکستان حکومت د پرلت په اړه څه نه دي ویلي خو د بهرنیو چارو وزارت د اپرېل پر ۱۷مه په بیان کې تور پورې کړی وو چې د افغانستان له خاورې څخه یې پر ځواکونو بریدونه کېږي. په کابل کې د طالبانو حکومت په یوه بیان کې ویلي ول چې دا ډول پېښې باید بیا و نه شي او د تکرارېدو په صورت کې یې د بدو پایلو خبرداری ورکړی وو. ویډیويي رپورټ.
په شمالي وزیرستان کې تازه بریدونه پر داسې مهال شوې چې د پوځ د عامه اړیکو دفتر (ای اېس پي ار) مشر مېجر جنرال بابر افتخار د اپرېل پر ۱۴مه په راولپېنډۍ کې خبري غونډې ته وویل چې له تحریک طالبان پاکستان سره یې مذاکرات درولي دي او د هغوی پرضد یې عملیاتو ته دوام ورکړی دی.
پښتون ژغورنې غورځنګ د خیبر پښتونخوا له حکومته غوښتنه کړې چې د بنو په جانیخېلو او شاوخوا سیمو کې دې د هدفي وژنو او ناامنیو مخنیوی وکړي. د غورځنګ یوشمېر پلویانو د اپرېل پر ۱۳مه ماخوستن مهال په بنو کې په لاریون او مظاهره کې دعوه وکړه چې په تېرو ۱۰ ورځو کې په جانیخېلو کې د یوې ښځې په ګډون څلور کسان وژل
د بنو مرستیال کمېشنر کېپټن رېټایرډ زبیر احمد نیازي تر جرګې وروسته مشال راډيو ته وويل چې په سيمه کې یې د ناامنۍ د مخنيوي لپاره کوټلي ګامونه پورته کړي او د وسله والو پرضد يې هلو ځلو ته هم دوام ورکړی دی.
نور وښیئ
