نیاز احمد خان په سوات کې د مشال راډیو خبریال دی. هغه د ملاکنډ ډېوېژن د نهو ضلعو سوات، بر او کوز دیر، بر او کوز چترال، ملاکنډ، بونېر، باجوړ او شانګلې په اړه راپورونه جوړوي.
د سوات په سیدو شریف کې د خپل کور وېلېج یا کلي په نوم د یوې ادارې په ودانۍ کې لسګونه یتیم ماشومان اوسي. د هغې ادارې مشر وايي، په ودانۍ کې یې ماشومانو ته د کور په څېر چاپېریال جوړ کړی او هلته یې ښځې ګومارلې دي چې ماشومان د میندو غوندې وروزي. ویډیويي رپورټ.
د مارچ پر ۳۱مه د هغې صوبې د څلورو قبایلي سیمو په ګډون په ۱۸ ضلعو کې بلدیاتي انتخابات وشول چې له نارسمي نتیجو سره سم، د ملاکنډ ډېوېژن د اووه ضلعو زیاتره تحصیلونه واکمن تحریک انصاف ګوند ګټلي دي.
د خېبر پښتونخوا په سوات ميادم کې درې ورځنۍ کلتوري ميله شوې چې د بيلابيلو لوبو تر څنګ پکې د موسيقۍ پروګرام هم وشو. د مېلې تابيا کونکي وايي چې مقصد يې د پښتنو کلتور نړۍ ته ښودلو سره سيلګرۍ ته وده ورکول دي. د ميلې په اړه د مشال راډيو ويډيويي راپور وګورئ
د سوات د بېلابېلو سیمو اوسېدونکو له تېرو درو میاشتو راهیسې مظاهرې، لاریونونه، جرګې او جلسې کوي چې پکې له حکومته غواړي چې د لویې لارې جوړولو پروخت دې د خلکو کرنیزې ځمکې او باغونه نه لاندې کوي. دوی وايي، حکومت دې د سوات اېکسپرېس وې په نوم د لویې لارې نقشه بدله کړي. ویډیويي رپورټ.
د سوات په ګبين جبه کې پر واورو د لوبو مېلې تر سره شوه. حکومتي چارواکي وايي چي ګبين جبه د سيلګرۍ لپاره يو نوی ځای دی. مېلې ته ورغلي سيلانيان او ځايي ولس وايي چې راتلونکي وخت کې ګبين جبه د سيلګرۍ يو لوی مرکز ګرځېدلای شي. د مشال راډيو خبريال نياز احمد خان يې په اړه ويډيويي راپور راکوي.
د مورنیو ژبو نړیوالې ورځې په مناسبت د سوات په یوه ښوونځي کې ماشومانو هغه دودیزې لوبې کړې دي چې اوس په ورکېدو دي. د فبرورۍ پر ۲۱مه په لوبو کې ګڼو ماشومانو برخه واخیسته او مشال راډیو ته یې وویل چې د دودیزو لوبو په اړه یې اورېدلي ول، خو لا یې کړې نه وې. ویډیويي رپورټ.
د خيبر پښتونخوا په سوات کالام کې د واورې درې ورځنۍ مېله وشوه. دغې مېلې ته زرګونه سيلانيان ورغلي ول چې هلته يې له دوديزو لوبو، سټالونو او موسيقۍ نه خوندونه واخيستل. د کالام د واورې ميلې په اړه د مشال راډيو ويډيويي راپور وګورۍ.
د سوات په کالام کې د کبډۍ دوه ورځنۍ سیالۍ ترسره شوي چي پکې د سيمې اتو لوبډلو برخه اخيستې وه. د لوبو تابياکوونکي وايي، د سیالیو موخه د ځايي خلکو د ساعت تېري ترڅنګ کالام ته د سیلانیانو وربلل دي. په واوره کې د کبډۍ د سیالیو په اړه ویډیويي رپورټ.
د خيبر پښتونخوا په سوات مينګوره کې د لادرکه کړل شويو کسانو خپلوانو د هغوی د موندلو او کورنيو ته يې د سپارولو لپاره مظاهره کړې. د فرورۍ پر اوومه شوې دغه مظاهره کې د لادرکه کړل شويو کسانو خپلوانو وينا وه چې د عدالتونو لخوا د خوشې کېدو پر امر سربېره پوځ دوی ته کسان په لاس نه ورکوي او په حراستي مرکزونو
د فبرورۍ پر اوومه، په اوډيګرام کې شوې دغې مظاهرې ته د ګډونوالو وينا وه، چي حکومت له چکدرې تر فتح پوره د۸۰ کلوميټره سړک زياتره برخه د هغوی د کر کروندې او د ابادۍ په ځمکه جوړوي چې دا کار هغوی ته د منلو وړ نه دی.
د خېبر پښتونخوا په سوات کې د واوري تر اورېدو وروسته له سېلانيانو سره ځايي خلک هم د واورې نندارې لپاره سيمې ته ورځي. په مينګوره کې د يوه ښوونځي استاد خپل شاګردان د ملم جبې سپيني اوبو سيمې ته بیولي او هغوی ته پر واورو او غرونو د تلو او ختو چل ښيي. نور حال په دې ویډیو راپور کې.
د يخنۍ زياتېدو سره سم د سوات ځايي وګړيو د کباړ بازار مخه کړې او کارول شوې تودې جامې په ارزانه بيه اخلي. پېرودونکي وايي چې په پاکستان کې ګراني ډېره زياته شوې چې له کبله يې له يخني څخه د ځان ساتلو لپاره د نوو جامو اخيستلو توان نه لري.
د ۲۰۲۲ز کال په راتګ د سوات په اوډیګرام کې د پوهنتون زده کوونکو او فعالانو د "کلتوري شپې" په نوم محفل جوړ کړی وو چې پکې د پښتو مشاعرې ترڅنګ د موسیقۍ بنډار هم وشو. په اړه یې ویډیويي رپورټ وګورئ.
څه موده وړاندې په سوات کې پخوانۍ ژبه توروالي د ورکېدو په حال کې وه، خو د یوې ځايي ټولنې د پام له وجې اوس دا ژبه د بحرین په څلورو سکولونو کې ښوول کېږي او په دې توګه یې د ورکېدو مخه نیول شوې. دا ژبه په بحرین او شاوخوا سیمو کې ویل کېږي. تفصیل په ویډیويي رپورټ کې.
د خیبر پښتونخوا د سوات اخبار پلورونکي وايي، له تېرو ۱۰ کلونو راهیسې د ټولنیزو رسنیو له کبله مقامي، صوبايي او قامي اخبارونو پلورل ۸۰ سلنه کم شوې چې ورسره په زرګونو اخبار پلورونکي متاثره شوي دي. دوی وايي، که چېرې هم دغه شان دا سلسله روانه وه، نو زیاتره اخبارونه به چاپ کېدل بند شي.
د سوات په جهانزيب کالج کې د پښتو ژبې څانګې یوه مشاعره جوړه کړ چې پکې د سيمې نامتو شاعرانو برخه اخیستې وه. خبريال نياز احمد خان ویډيو راپور
محمود خان دا اعلان د نومبر پر ۱۹مه د خیبر پښتونخوا د سوات په سنګوټه کې یوې ولسي غونډې ته په وینا کې کړی دی.
حکومتي چارواکي د روانې ګرانۍ او په خصوصي توګه د تېلو نرخونو په زياتوالي وايي چې په ټوله نړۍ کې یې بیې ختلې دي. په پاکستان کې بيا هم د ګاونډي هېوادنو په نسبت د تېلو نرخونه کم دي،
''وړاندې چې به د یوچا د کور ګوزاره د ورځې په درې سوه روپۍ کېده هغه اوس په ۱۵۰۰ روپۍ هم نه کېږي. نوموړي غوښتنه وکړه چې په بازار کې دې خوراکي توکي په سرکاري نرخنامه وپلورل شي.''
نور وښیئ
