کوټه کې د جماعت اسلامي په کوربه توب د افغانانو ایستلو ضد جرګه شوې
جماعت اسلامي د اپرېل پر ۱۷مه په کوټه کې د افغانانو ایستلو او ورته د ورپېښو ستونزو په اړه یو ورځنۍ جرګه وربللې وه چې ورته د یوشمېر ګوندونو استازي ورغلي ول. جماعت اسلامي وايي، د افغانانو پر موضوع په بلوچستان اسمبلۍ کې غږ پورته کوي او د صوبې په نورو برخو کې هم جرګې کوي. یوشمېر ګوندونو د افغانانو د جبري ستنولو غندنه کړې او پښتونخوا ملي عوامي ګوند د اپرېل پر ۱۷مه په پښین کې احتجاج کړی دی. خو پر مخالفتونو سربېره د پاکستان حکومت وايي، د ټولو افغانانو ستنولو ته ژمن دی او دا کار د ملي امنیت په ګټه بولي. حکومت د اپرېل له پیل راهیسې لسګونه زره افغان تابعیت (سېټېزن) کارډ لرونکي او بې اسناده افغانان هېواد ته لېږدولي دي. ویډيويي رپورټ.
