د سوات حضرت خلیل وايي کور یې سېلاب ویجاړ کړ خو حکومت یې پوښتنه نه ده کړې
اتیا کلن حضرت خلیل د سوات د مینګورې د لنډي کڅ مالت اوسېدونکی وايي د اګست د ۱۵مې سېلاب ورته کور ویجاړ کړ چې هغه یې د بیا جوړولو وس نه لري نو حکومت دې ورته څه چاره وکړي. بل پلو د خیبر پښتونخوا وزیراعلا علي امین ګنډه پور د سېپټېمبر په لومړۍ نېټه په پېښور کې خبریالانو ته وویل چې د سېلاب ځپلو سیمو د بحالۍ لپاره یې څلور اربه روپۍ بیلې کړې دي. نوموړي زیاته کړه چې په سېلاب کې د وژلو شویو کسانو کورنیو ته ۲۰ لکه، زخمیانو ته پینځه لکه، د چا چې کور په بشپړ ډول وران وي هغوی ته ۱۰ لکه او په جزوي ډول وران شوي کور ته درې لکه روپۍ معاوضه ورکوي. نور حال په دې راپور کې.