افغانستان

د طالبانو حکومت: پاکستان ۱۶۴ افغان بندیان هېواد ته ستانه کړي دي

د طالبانو حکومت وايي ایران، پاکستان او ترکیې څه باندې ۲ مېلیونه افغانان اخراج کړي دي

د کډوالو او ورستنېدونکو د چارواکو په خبره، له کورنیو او نړیوالو ادارو سره د "۱۲۵ تفاهملیکونو" په لاسلیکولو د کډوالو او کورنیو بې ځایه شویو لپاره "څه باندې ۷۸ مېلیونه ډالره مرسته" جذب کړې.

ملګري ملتونه: په ۲۰۲۴ کې اروپا ته د غیرقانوني کډوالو لویه برخه د افغانانو وه

د کډوالو په چارو کې د ملګرو ملتونو لویه کمېشنري وايي، افغانان په ۲۰۲۴ کال کې اروپا ته د غیرقانوني کډوالو تر ټولو لویه برخه جوړوي.

بغلان کې د سکرو کان نړېدو په پېښه کې ۶ مزدوران وژل شوي دي

د افغانستان په مختلفو برخو کې د سکرو په کانونو کې قوانین پوره نه عملي کېږي او کارکوونکي هم د خوندیتوب تجهیزات نه لري چې له وجې یې وخت په وخت مرګونې پېښې کېږي.

د پاکستان د کورنیو چارو وزیر پر "مهمو موضوعاتو" د خبرو لپاره کابل ته تللی دی

له نقوي سره د افغانستان لپاره د پاکستان ځانګړی استازی محمد صادق هم د سفر ملګری دی. هغه له نورو معلوماتو ورکولو پرته مشال راډیو ته وویل، نقوي د طالبانو د حکومت د کورنیو چارو له وزیر سراج الدین حقاني سره پر "مهمو موضوعاتو" خبرې کوي.

 امیر خان متقي وايي له ایرانه "په ډېر شدت" د افغانانو ایستل "ځوروونکی" عمل دی

نوموړي د جولای پر ۲۰مه په کابل کې د ډېپلوماسۍ له انسټېټیوټه د ډېپلوماټانو د فراغت غونډې ته په وینا کې وویل، د طالبانو حکومت په بیا بیا د ایران له ولسمشر، بهرنیو چارو وزیر او نورو چارواکو غوښتي دي چې افغانان دې "په تدریج" هېواد ته ستانه کړي، خو داسې و نه شول.

ملګرو ملتونو له ایران او پاکستانه د افغان کډوالو جبري ویستل غندلي  

د ملګرو ملتونو د بشري حقونو ځانګړو راپور ورکوونکو له ایران او پاکستان څخه د افغان وګړو د جبري ایستلو لړۍ په کلکه غندلې او خبرداری یې ورکړی چې دا عمل نه یوازې د نړیوالو قوانینو سرغړونه ده، بلکې شړل شوي کسان له جدي خطرونو سره مخ کوي.

ملاله فنډ: نړیواله ټولنه دې ایران د افغانانو جبري اخراج درولو ته اړ کړي

د نوبېل انعام ګټونکې ملالې یوسفزۍ بنسټ د جولای پر ۱۶مه پر ووبپاڼه په بیان کې ویلي، تهران، چې غواړي شاوخوا څلور مېلیونه افغانان هېواد ته ستانه کړي، په تېرو اونیو کې سلګونه زره کسان له خپلې خاورې ایستلي دي.

د ازبکستان، پاکستان او د طالبانو حکومتونو د ټرانس افغان رېلګاډي پروژې په اړه موافقه لاسلیک کړې

د ټرانس افغان رېللارې د پروژې د تطبیق درې اړخیزه توافق د ۲۰۲۳ز کال په جولای کې د سیمه ییز تجارت د پیاوړتیا او د پاکستان له بندرونو سره د مرکزي اسیا د وصلولو په هدف لاسلیک شو.

د افغانستان وتلی شاعر مطیع الله تراب وفات شو

مطیع الله تراب چې د ژوند اوږده کلونه یې له خپلې کورنۍ سره یو ځای په خوست کې تېر کړي، اصلاً د ننګرهار ولایت د خوږیاڼو ولسوالۍ اوسېدونکی وو.

د طالبانو حکومت وايي د جرمونو نړیوال عدالت په رسمیت نه پېژني

د طالبانو پر دې ټینګار سربېره چې هغه نړیواله محکمه په رسمیت نه پېژني، افغانستان د یو دولت یا ریاست په توګه د جنایتونو نړیوال عدالت غړی دی او امرونه یې ورباندې لازم الاجرا دي.

د جرمونو نړیوالې محکمې د ملا هبت الله اخوندزاده د نیولو حکم وکړ

د محکمې مشر څارنوال کریم خان په تیره جنورۍ میاشت کې د دغه ډول حکم د صادرولو غوښتنه کړې وه.